Xukuumadda Somaliland ayaa sheegtay inay wada hadal toos ah la galayaan dhammaadka bisha ramadaan kooxda Khaatumo ee ka dhisan bariga Somaliland.
Guddoomiye ku xigeenka koowaad ee golaha wakiilada Baashe Maxamed Faarax oo warbaahinta kula hadlayay magaalada Laascaanood ee gobolka Sool ayaa sheegay in kooxda Khaatumo ka aqbashay wada hadalkii,kaasi oo bilaabmi doona marka laga baxo bisha barakaysan ee Ramadaan.
“Waxa aan balan qaadaynaa marka iidda laga baxo inaan wada hadal furno,qoladan walaaleheen ee Khaatumo inaan la hadalno oo gogol u dhigno sidii hore madaxwaynu balan qaaday ,iyaguna way naga balan qaadeen oo diyaar ayay u yihii”ayuu yidhi guddoomiye ku xigeenka koowaad ee Golaha wakiilada Somaliland oo ka hadlayay magaalada Laascaanood.
Guddoomiye ku xigeenka Koowaad ee Golaha wakiilada Somaliland Md Baashe Maxamed Faarax ayaa dadwaynaha Reer Laascaanood ku booriyay inay is diwaangaliyaan
“Maalin dhowayd tiro koobkii waxa lagu sheegay saddex boqol oo kun ,waxaasina waa diwaangalintan aad ka cararaysaan,waxa aad iga balan qaadaan inaad diwaangalintaasi codaysan”
Guddoomiye Baashe Maxamed Faarax waxa uu sheegay in wixii ka maqan gobolka Sool aanu ku iman karin qori ee nabad galyada la ilaaliyo isla markaan horumarka la shaqeeyo.
“Saami qaybsigu qori ku iman maayo ,waxa uu ku imanayaa wada hadal iyo inagoo codkeena qaybsana,waxa aynu ku xisaabtamaynaa waa cod,nabad galyaduna waa mihiimn aynu kala baxno oo dadka qaar horumarka ha u gurmadaan”ayuu yidhi Baashe Maxamed Faarax
Hadalkan guddoomiyaha ayaa ku soo beegmaya iyadoo kooxda Khaatumo laga qabsaday goobo badan oo ay ku sugnayd ,horena Madaxwaynaha kooxdaasi uu sheegay inay Somaliland wada hadal la gali doonaan.
-
Mudo ka badan 20 sano ayay saaxiibo ahaayeen maantana way wada qalinjabiyeen
-
Oromada oo Jigjiga ku soo siqaysa iyo wararkii u dambeeyey ee xaaladda Colaadeed.
-
“Aqoontaadu haddii ay dunida kula hadalsiin kari weydo waxay…” Wasiir ku xigeenka waxbarashada JSL
-
“Bayern Munich waxay dhalan karaysa gool ka badan intay cawa ka dhalisaya Man United” Khaalid Indho
-
Xafladda Qalin-jabinta dufcaddii 15-aad ee Jaamacadda Admas.
-
Dugsiyada Nuuradiin oo Abaalmarino gudoonsiiyay Ardaydii ugu saraysay Imtixaanaadka shahaadiga ah
-
“Tacabku waligii ma istaagayo, nolosha ayuu ka mid yahay” Cabdirashiid Dahabshiil
-
“Laascaanood tagtayee Somaliland inteeda kale ha laysku hayo” Mubaarik Axmed Maxamed.
-
Xafladda Qalin-jabinta Dufcadda 2-aad Ee Markizka Al Maahir Bil Qur’aan
-
“Waxaan idinka codsanayaa inaad noqotaan kuwo wax allifa”Guddoomiyaha Jaamacadda Abaarso Tech