Ujeeddo: Tacsi
Anigoo ku hadlaya xilka Guddoomiyaha xisbiga KULMIYE Muuse Biixi Cabdi, ka hoggaanka xisbiga, Guddiga Fulinta, Golaha Dhexe iyo guud ahaan taageerayaasha xisbiga KULMIYE, waxaan tacsi tiiraanyo leh u dirayaa qoysaska, qaraabada, asxaabta iyo shacabka reer Somaliland, gaar ahaan Garaad Cabdirisaaq Garaad Soofe iyo dhammaan ilma Garaad Soofe, geerida Marxuum Ciise Garaad Soofe Dooraan oo ku geeriyooday dalka Denmark (01/08/2015).
Marxuum Ciise Garaad Soofe waxa uu ahaa oday kaalin wayn ka soo qaatay nabadayntii iyo walaalayntii dalka, isaogo ka soo jeeday qoys fac wayn ku leh dhaqanka iyo hoggaaminta.
Ilaahay waxaan uga baryayaa Marxuum Ciise Garaad Soofe inuu jannadii Fardowsa ka waraabiyo, qoysaska, ehelada, qaraabada iyo guud ahaan shacabkana uu samir iyo iimaan innaga siiyo. Aamiin…. Aamiin…. Aamiin.
ALLAH MAHAD LEH
MUUSE BIIXI CABDI
Guddoomiyaha xisbiga KULMIYE
