Golaha Degaanka Tower Hamlet ee Bariga magaaladda London oo ictiraafay Somaliland iyo kulankii xalay ee lagu ictiraafaayey.Daawo Sawiro
Xalay oo ay taariikhdu ahayd 18/11/2015 Councilka Tower Hamlet ee ka tirsan magaalada London ayaa taageeray citiraafka Somaliland halkaas oo ay Xildhibaan Amina Axmed Ali oo ka tirsan Xildhibaanada golaha degaanka ee Tower hamlets ay keentay Motion ay ku dalbanayso in Councilkeedu uu Citiraafo oo taageero qadiyadda Somaliland. Waxa muuqatay in Xildhibaan Amina ay xisbigeeda oo ah xisbiga labourka, ahna majoretiga councilka Tower Hamlet iyo xildhibaanada xisbiyada kaleba hore uga sii dhaadhicisay oo ay aad uga dhereg sanaayeen qadiyadda Somaliland diyaarna u ahaayeen taageerida motion-ka, oo ay usii wada qornaayeen khudbadihii ay halkaa ka akhrin lahaayeen.
Xildhibaan Amina Ahmed Ali oo ah Xildhibaanad da’ yar, aad u firfircoon, aqoon badan, hawlkar ah waxa cajiib ahaa diplomacy-ga ay isticmaashay iyo qaabka ay u wajahday si loogu guulaysto qadiyadan citiraafka Somaliland oo cadaw badan leh, oo marar ka qaarkood farsama xumo reer Somaliland gudohooda ahi ay dhib u keeni karto.
Xildhibaan Amina waxay dooratay in ay motion kan councilka ugu keeento sidii arin deg-deg ah, oo macneheedu yahay agendaha councilka waxa lagu daray motionkan markii uu shirku bilaabmay ooh ore ugumuu sii jirin. Laakiin waxaad arkaysay Xildhibaan Amina in ay arinta oo dhan hore u sii diyaarisay, oo xataa wefti wasiiro ah oo goob joogayaal ka ahaa ay ka dalbatay Hargeysa, Somaliland communitygana ay u sii sheegtay saacadda shirka, in Somaliland la citiraafayo iyo dhamaan sida wax u dhici doonaan oo dhan.
