“Beeshani waxba ma tabato’e way talisaa, beeshani ma cabato’e way dulqaadataa” Madaxweyne Muuse Biixi
January 7, 2019 - Written by admin

Madaxweynaha Jamhuuriyadda Somaliland, Mudane Muuse Biixi Cabdi, oo uu wehelinaayey Madaxweyne ku xigeenka Somaliland Mudane Cabdiraxmaan Cabdilaahi Ismaaciil (Saylici) ayaa hadhimo-sharafeed ku maamuusay salaadiinta, Cuqaasha, waxgaradka, haldoorka iyo siyaasiyiinta kasoo jeeda qaar ka mida Somaliland.Image may contain: one or more people and crowd

Madasha hadhimada ah oo maanta lagu qabtay xarunta qasriga madaxtooyada, isla markaana ay ujeeddadeedu daaranayd sidii madaxweynaha iyo qoorweynta beeshani isku xog-waraysanayeen ayaa waxa ka soo qaybgalay ku dhawaad 200 (Laba boqol) oo ergay oo ka kala yimi gobollada iyo degmooyinka dalka qaar ka mida oo isugu jira 40 (Afartan) Chief Caaqil, 23 (Saddex iyo labaatan) suldaan, qaar kamid ah badhasaabada iyo maayarrada gobollada qaar ka mida iyo degmooyinka dalka, siyaasiyiin iyo waxgarad kale oo miisaan leh, iyadoo ay madaxweynaha si habsami leh isugu xog-waraysteen kulankaasi hadhimo sharafeedka ah.Image may contain: 4 people, people smiling, people standing and wedding

Xubno isugu jira salaadiin, siyaasiyiin iyo waxgarad kasoo jeeda beelahan oo ugu horrayn halkaas ka hadlay, ayaa madaxweynaha uga mahadnaqay hadhimada uu ku maamuusay, waxana ay caddeeyeen inay si guud iyo si gaar ahba madaxweynaha ugu garab taagan yihiin tallaabooyinka horumarineed ee uu dalka ku hoggaaminayo.Image may contain: one or more people and indoorImage may contain: 9 people, people smiling, people standing, shoes and suit

Wasiir-ku-xigeenka wasaaradda Warfaafinta, dhaqanka iyo Wacyigelinta Jamhuuriyadda Somaliland, Mudane Maxamed Muuse Abees, guddoomiyaha baanka dhexe ee Jamhuuriyadda Somaliland, Mudane Cali Ibraahim Baqdaadi iyo Gudoomiyaha Saddexaad ee Xisbul xaakimka Kulmiye Mudane Axmed Cabdi Xuseen (Axmed Cabdi dheere) ayaa iyaguna dhinacooda kelmado soo dhawayn iyo mahadnaqa halkaasi ka jeediyey.Image may contain: 4 people, people standing, people sitting and suit

Xubno kamid ah salaadiinta, cuqaasha iyo waxgaradka beeshan kasoo jeeda ee miisaanka leh oo ay kamid yihiin Suldaan Maxamed Suldaan Cabdiqaadir, Suldaan Maxamed Suldaan Xirsi Qani, Suldaan Cismaan Baane, Suldaan Aadan Faarax, suldaan Cabdiraxmaan Aw Good, Ugaas Xuseen Geelle, guddoomiyaha guddida Talo iyo Tawfiiq, Mudane Xasan Xuseen, Chief Caaqil Xuseen Xasan Cali, Caaqil Cabdiweli Jaamac, Cawil Yuusuf Dhiif, maayarka degmada Ceerigaabo, Mudane Ismaaciil Xaaji Nuur oo dhammaantood madasha ka hadlay, ayaa si isku mid ah madaxweynaha ugu bogaadiyey sida uu u maamuusay iyo kulanka ay la yeesheen madaxweyne, waxana ay hoosta ka xarriiqeen inay si hagar la’aan ah ula shaqaynayaan xukuumadda uu gadh-wadeenka ka yahay, isla markaana ay diyaar u yihiin sidii loo sixi lahaa wax kasta oo tabasho ka taagan tahay.Image may contain: one or more people, people sitting, wedding, table and indoorImage may contain: 5 people, people sitting and table

Madaxweynaha Jamhuuriyadda Somaliland, Mudane Muuse Biixi Cabdi oo hadal dhinacyo badan taabanaya ka jeediyey madasha hadhimo-sharafeedda ah, ayaa ku dheeraaday doorka soo jireenka ah ee ay beeshani kaga jirto qarannimada Jamhuuriyadda Somaliland, waxana uu caddeeyey inay beeshani qayb libaax kasoo qaadatay dib-u-dhiskii qaranka iyo horumarka waqtigan la gaadhayba.Image may contain: 5 people, people smiling, people sitting and tableImage may contain: 6 people, people sittingImage may contain: 4 people

Madaxweynuhu waxa uu sharraxay kaalinta lama ilaawaanka ah ee ay beeshani kaga jirto qaranka, waxana isaga oo arrimahaas ka hadlaya uu yidhi, “Halkan waxan idiinku yeedhay inaannu idiinka mahadnaqno xukuumad ahaan, madaxweyne ahaan iyo weliba qaranka Somaliland intiisa badan inta qarannimada jecel, inta nabadda jecel iyo inta horumarka jecelba aniga oo ka wakiil ah waxannu idiinkaga mahadnaqaynaa hawlaha qaranka, gurmadka qaranka, difaaca qaranka iyo ilaalinta qaranka halka aad kaga jirtaan deegaan ahaan, gobollada halkaad ka joogtaan iyo halkaad ka deggen tihiinba,” ayuu yidhi madaxweyne Muuse Biixi Cabdi.

COMMENTS
Latest News