Gabileynewsonline.com
Badhasaabka Togdheer Oo Warbixin Ka Dhegaystay Masuuliyiinta Caafimaadka Ee Heer Gobol
September 22, 2021 - Written by admin
    

Guddoomiyaha gobolka Togdheer Maxamed C/laahi Ibraahim (Nafaqo), ayaa maanta warbixin ku saabsan xaaladda xanuunka Covid-19 ka dhegaystay masuuliyiinta caafimaadka heer gobolka.

Kulankaasi oo ka qabsoomay xafiiska badhasaabka gobolka Togdheer waxaa ka soo qayb galay isku-duwaha wasaaradda caafimaadka ee gobolka Togdheer Maxamed Yuusuf, iyo agaasimaha cusbitaalka guud ee magaaladda Burco.

Xanuunka Coronavirus ayaa mawjadiisa labaad ay ku dhufatay gobolka Togdheer, iyadoo ay bilihii u danbeeyay ay dad badani u dhinteen xanuunkaasi.

Sida uu sheegay isku-duwaha wasaaradda caafimaadka ee gobolka Togdheer Maxamed Yuusuf, oo badhasaabka warbixin ka siinayay saamaynta xanuunka Coronavirus ee gobolkaasi.

Waxaanu isku-duwuhu bulshadda ugu baaqay in ay ku dedaalaan sidii ay u raaci lahaayeen tallooyinka caafimaad ee lagaga gaashaamanayo xanuunka Covid-19.

 

 

 

COMMENTS
Latest News