Wasiirka Dhallinyarada, Ciyaaraha iyo Dalxiiska Somaliland ayaa Abaal-marino Qaaliya guddoonsiiyey Orodyahano Kaalmaha hore ga galay Tartan Orod oo dhererkiisu yahay 10km, kaas oo ay soo qaban-qaabiyeen Xidhiidhka Ciyaaraha Fudud ee Somaliland.
Tartankan oo ka dhacay caasimadda Hargeisa ayaa waxaa ka soo qeyb-galay in ku dhaw 150 orod yahan, waxaana tartankan loogu magac-daray “Dhiiri-gelinta Nabad-gelyada”, waxaana uu ka soo bilawday Duleedka Kaantaroolkii hore ee Galbeedka Hargeisa kaas oo aakhirkiina ku soo dhammaaday Beerta Xorriyadda. 
Tartankan orodka oo ahaa mid aad u xiiso badan oo la arkayay dadwayne aad u tiro baddan oo tuban wadada hareeraheeda kuwaasi oo ka qeyb ahaa dhiiri-gelinta iyo xiisaha tartankaasi. Waxaana ku guuleystay oo kaalinta koowaad galay orod yahan ka socday gobollka Awdal, halka uu kaalinta labaad ka galay orod yahan ka socday gobollka Maroodi-Jeex, kaalinta saddexaadna waxaa galay orod yahan isna ka socday gobollka Awdal. 
Haldoornews.com
contact@haldoornews.com
