Gaadhi Xamuul ah oo adhi siday ayaa Hargeysa ku rogmaday + Khasaaraha ka dhashay SAWIRO

Gaadhigan oo noociisu ahaa waaraad ayaa waxa uu ka yimid dhinaca miyiga isagoona siday adhi faro badan, balse ugu yaraan 25neef ayaa qudh-baxay halka intii nolol lagu soo gaadhayna la bireeyay.

Darawalka gaadhigan waday ayaa sheegay in gaadhigu uu bireegga goostay kaddibna markii uu arkay arday yar-yar oo baskii iskuulka saaran oo gaadhigu ku beegnaa  uu go’aan saday in uu gaadhiga qallibo si uu caruurta uga bad-baadiyo.

Dadkii goobta joogay ayaa darawalka ku tilmaamay in uu ahaa geesi u naxay caruurta yar-yar isagoona naftiisa halaag galiyay, inkastoo darawalka markii danbe ciidanka bileysku xabsiga u taxaabeen.

Lama oga illaa hadda xaaladda ninkii dhaawaca ahaa oo cisbitaalka loola cararay.