Published:

UntitledSheekh(GNO)-Mudaharaad Taayiro Lagu Bay Wadooyinka ayaa saaka subaxnimadii hore ka bilaamay Degmada sheekh oo katirsan Gobolka Saaxil Mudaharaadkan oo ay dhigayeen dad dhalinyaro ubadan oo reer Sheekh ahi ayaa la sheegay in lagaga soo horjeeday wareejinta Dekeda Berbera ee Shirkada DP World xukumadu ka Kireysay ama maalgashiga shirkadaasi ku samayn doonto sida la sheegay.

Mudaharaadkan oo mudo kooban socday ayaa waxa waxa loo xidhay dad aan tiradooda oo saxa la haynin hase yeeshee dsad goob joogayaal ah oo aanu la xidhiidhnay sheegeen inay ku dhaw yihiin 10 ruux oo ubadan dhalinyaro Waxaana taayiradii jidadka lagu gubay bakhtiiyay Ciidamada Booliska degmada Sheekh 

 

Sidoo kale Ciidamada Booliska Degmada Sheekh ayaa saaka subaxnimadii Xabsiga Utaxaabay Wariye Sidiiq Carab Saleebaan oo katirsan Suxufiyiinta Madaxa banaan ee ee ka Hawlagala Gobolka Saaxil, wariyahan oo labadii maalmood ee udanbeeyay kusgnaa Degmada Sheekh oo Xaaskiisu dagantahay ayaa saaka sawiro iyo Muuqaalo Video ah ka qaaday Mudaharaadkii Taayirada lagu gubaayay ee ka socday degmada Sheekh waxaana sidaas ku xidhay Ciidamada Boolisla Degmada sheekh kana qaaday Qalabkiisii uu ku shaqaynaayay waxaanu ilaa hada ku xidhanyahay Saldhiga dhexe ee Degmada Sheekh iyada oo dad kaloo Mudaharaadkaas loo xidhxidhayna kula xidhan yihiin. 

Gudoomiyaha Golaha Deegaanka Degmada Sheekh Ibraahim Cabdillahi Cabsiiye Iyo Taliyaha Booliska degmadaas oo aanu isku daynay in aan wax ka weydiino dhacdadaas Taayirada lagu gubay ayaanay labadaba noo suuragalin in aanu tilifoonka ku helo waxse dad goob joogayaal ahi noo cadeeyeen in Mudaharaadkaasi dhacay mudo koobana taayiro ku gubanayeen jidadka laamiga ah ee Degmada Sheekh sidoo kalena Wariye Sidiiq Carab Saleebaan Iyo Dad kaloo shicib ahana la arkaayay iyaga oo Boolisku  Xidhxidhaaya.sidiiq-Carab

Xadhiga Wariyahan ayaa ah Mid sharciga Baalmarsan sababtoo ah wariyuhu waxa uu Muuqaal iyo Sawiro ka qaadanaayay dhacdo run oo hortiisa ka dhacday wax danbiya oo uu galayna ma jirto waxaanay kamid tahay talaabada wariyahan lagu xidhay Cabudhinta iyo Cagajuglaynta Xukumada Madaxweyne Siilanyo kuhayso Suxufiyiinta Madaxa banaan iyo haayadaha warbaahineed ee madaxa banaan

News Related