Gabileynewsonline.com
Qaramada Midoobey: Weli Waa La Geli La’yahay Tigray Si Gargaar Loo Gaadsiiyo Shacabka
December 4, 2020 - Written by admin
    

Qaramada Midoobey waxay sheegtay in dagaalka ka socda meelo badan oo ka tirsan gobolka Tigray uu saameyn ku yeeshay howlaha gargaarka.

Saraakiil ka tirsan Qaramada Midoobey waxay sheegayaan in la geli la’yahay gobolka Tigray si gargaar loo gaadhsiiyo shacabka inkasta oo dowladda Itoobiya dhawaan ay kala saxeexdeen heshiis gargaar lagu gaadhsiinayo shacabka ku nool deegaanada ay la wareegtay dowladda.

Dadka ku nool caasimadda Mekelle ayaa sheegay in dagaallada ay weli ka socdaan deegaanada dhaca duleedka caasimadda inkasta oo ay dowladda sheegtay in lasoo afjaray colaadda.

Waxay sheegeen in magaalada ay koronto la’aan tahay oo ayna heysan biyo.

Waxay sidoo kale sheegayaan in falalka dhaca ah ay kusoo badanayaan magaalada.

Shacabka Mekelle waxay sheegayaan in dad rayid ah ay dileen ciidamada federaalka, inkasta oo ay dowladda beenisay arrintaas.

COMMENTS
Latest News