Gabileynewsonline.com
“Haddii aynu diinta islaamka ku dhaqanno wax waliba way inoo hagaagayaan
November 11, 2021 - Written by admin

Ganacsadaha caanka ah ee reer Somaliland Axmed Daahir Cumar (Baxsane), ayaa ugu baaqay xukuumadda iyo bulshadda Somaliland ba in si buuxda loo qaato ku dhaqan shareecadda diinta islaamka.

Waxaanu ku taliyay xaaji Baxsane, in ay muhiim tahay ku dhaqanka diinta islaamka, isla markaana ILLAAHAY SWT laga baqo, taasoo inoo hor seedaysa in wax waliba inoo hagaagaan.

Isagoona xusay in haddii aan la adkaynin ku dhaqanka diinta islaamka in wax kastoo horumar ama dawladnimo ah oo la sameeyaa uu aakhirka baaba’ayo, isla markaana aanu barako yeelanaynin.

Xaaji Axmed Daahir Cumar (Baxsane), waxa uu sidan ka sheegay munaasibad ay dawladda hoose ee Hargaysa ku dhagax dhigaysay dhismaha waddo laga hirgelinayo caasimadda Hargaysa.

Waxaanu isla goobtaasi ka balan qaaday Xaaji Baxsane, in ay ka shirkad ahaan kaga qayb qaadanayaan lacag dhan $15000 oo dollar.

Isagoona Xaaji Baxsane, si weyn carrabka ugu adkeeyay  Marka koowaad wax walba aynu ka horaysiino ku dhaqanka shareecadda ee diinta islaamka.

DAAWO: Xaaji Baxsane Oo Arrimahasi Ka Hadlaya:

 

 

COMMENTS
Latest News