Dadkan oomanee
Badh amaah tageen
Badhna oomatiyo
Iidaanka helin
Nimuu aabihii
Ajashiisi huray
Inay ooridiyo
Ubadkiisu nabad
Aayar ugu ladaan
Aduunkawga tagay
Agoomawga iyo
Arad beel la’aw
Isu raacdayoo
Dabadeed irdhada
Orod iyo tahriib
Arxan buu bidee
Yuu eersadaa
Ubixii dalkoo
Aroortii allaba
Arjiyana sitoo
Iridaada tubin
Adba waad ogtee
Axmedoow maxaa
Arinkaaga yaal??
Olalii markaad
Ii codeeya tidhi
Ayaantaa danbaw
Kumannaan arkine
Ujadeedu talaw
Ma waxay ahayd
Awrkay ha kaco
Haduu oogsadana
Is makeekidee
Adigiyo iskaa
Afku odhan ogaa’
Eray weeye culus
Oo Amuur watoo
Adba waad ogtee
Axmedoow maxaa
Arinkaaga yaal
Awaw iyo awaw
Oodiyo ka ood
Ag Ilaa ka aag
Aqalkaan ku koray
Meel aan ahayn
Il ma saarinoo
Adinku Ima gayn
Ardeybaan ahaa
Aflaxoo tacliin
Aqoon yahan noqdee
Waalidkii intuu
Afartiisi neef
Ii iibiyee
U amaah tagay
Anigoon abaal
Irbadna uga celin
Ilamaa hadeer
Waa ayaan Daroo
Adba waad ogtee
Axmedoow maxaa
Arinkaaga yaal
Ma ufaan kacsha
Ma alwaan lidaa
Ma ulqaan tabaa
Ma adeedab baan
Isku soo orshaa
Ma waxaan abdiyo
Samo lagu ogayn
Oo Abwaano bari
Ka afeef dhigteen
Utun iyo dhigeed
Inkaar aasanoo
Iilka jiifsataaan
Oohoow idhaa
Ma aleelihii
Araweelo iyo
Eexdeedibaan
Dib usoo ulkaa
Aar daboole iyo
Orgomii samaan
Dadku eedaybaa
Soo awaal baxshaa
Kuu afeef dhigtoo
Eraygaga waa
la ajiibayaa
Idamkii alloo
Adba waad ogtee
Axmedoow maxaa
Arinkaaga yaal
