ODDOROSKA NAYRUUSKA SANNADKA CUSUB 2016Qoraa:- Dr. Maxamed Faarax Qoti (Astrologist)

January 4, 2016 - Written by admin

Saadaasha xidiguhu waa mid lagu falan-qeeyo isbedelada cimilada, hawada, bad-maaxida,

dowladaha, sidoo kalena ku dhaqan saadaashu waa mid ku salaysan qaab nololeedka

bulshaweynta, kuwaasoo u sahamiya beerahooda, xoolahooda, iyo noloshoodaba, haddaba

mar uu abwaan Xassan Xaaji Cabdilaahi “Gannay” uu kaga maansoonaayey Maansada

Duufaan, taasoo uu u adeegsanayey dhaqanka iyo cimiga xidigiska ee dhinaca xoolaha iyo

nooloha kale, gaar ahaan xiliga sumalka lagu daro idaha, wuxuu yidhi, “Dabtuurkoo arbaca

galay idahayga dayrtii, darbanah shakaalani, danbarsamaha ma afuro, oo waxaan dib ugu

dhigay, falaggaan dabci aqaan, xilligii uu di’I jiray inuu roob ka daba maray, waydaarshay

daydana, waxaan uga danleeyahay, markuu cawl xilli u dayay dhadiguu dul-saarnaa, anniguna

dadbaan ahay jiilaalna waa daah” Maansadan oo aan ka soo xigtay buugga “Bad Macaan” ee

uu qoray Maxamed Ahmed Xassan (Qodax).

Somalidu waxay yidhaahdaan cawlku wuu u xidiga tirayaa wakhtiga uu u tagayo lamaanihiisa,

haddase, waxay saynisyahanadu ogaadeen in ay jiraan dhadig ka mid ah noolaha duur-joogta

ahi inay dib u dhigi karaan xilliga foosha haddii ay soo wajahdo xaalad abaareed.

Garasho Eebbaa iska leh, isagaanay u sugnaatay xukunka kownkan, maamulkiisa iyo

qadarkiisana cidina lama wadaagto, duniduna waxay ku joogtaa amarka awooda Eebe,

Rabigeen ayey u sugnaatay aqoon iyo cilmiba, waxaanu ku tilmaamay Intuu adamihiisa ku

manaystay wax kooban, Inkastoo arrimaha saadaashaa wax laga weydiiyo dad khibrad gaar

ah u leh aqoonta saadaalinta.

Haddana Aadamuhu ma’daayo saadaasha iyo odoroska mustaqbalka, waxaanay aad u

jecelystaan inay wax ka ogaadaan wakhtiga fooda ku soo haya ee la xidhiidha waayahooda,

laakiinse, umay fiirsan dhibta ku jirta ogaanshahoodaasi, sababtoo ah, uma adkeysan karaan

haddii ay xogogaal u noqon lahaayeen ayaamaha ku soo fool leh noloshooda saamiga ay ku

leeyihiin farxad iyo naxdin ogaanshahooda.

Odoroska mustaqbalka saadaasha Sannadka Cusub ee 2016, haddaynu male aadame ku

male’awaalno, waxay odhan jireen “ dadka ku xeel -dheerayaasha cilmiga odoroska xidiguhu:-

Waxaan u eegay Mooro, Meere iyo Maalin, markaa Moorada Nayruus Jimcaad waxa loo

nisbeeyaa ka labaad ee sawra waana burjiga dibiga oo ku aadan mudada u dhaxaysa 20/4-

20/5, waa dhadig, waa laba maalinle, maalin axadeed buu leeyahay, godadka dayaxa uu ku

leeyahay Laxmar, Agaali-cad, oo ku began xilliga badhtamaha gu’ga, waana arliyo, waxaana

lala xidhiidhiyaa, Xamaasad iyo dareen kicineed leh, raadinta farxada, dul-qaadka, samirka

badan, kuna dadaalaya ammaanka dhinaca dhismaha dhulka oo aan ka istaagin, aamin ah,

oo leh baahi xoogan dhinaca ammaanka, isla markaana jecel oo joogteeya xalinta

khilaafaadka xasaasiga ah, tayada go’aanka, sifaha loo nisbeeyo waxa lagu tilmaamaa, ku

tiirsanaanta, xeerka, ficil celinta.

Faraxa Dayaxa burjigan waxa loo eegaa Afar waji, Wajiga Hore wuxuu ku leeyahay,

Quruxda, quruxda labiska, rayraynta, riyaaqa, rabitaan, faraxa, jacaylka, kaftanka guurka,

qoysnimada, haweenimadda, shaashaarida, dharka dumarka, galmada, lacagta, qalabka qoob-

ciyaareedka, dheel-dheelka, maaweelada, dhaqankii hore, iskaashiga, wada-noolaanshaha,

xidhiidhka, isdhexgalka bulshada, xarumaha bulshada, Macsiyada, farshaxanka, caddaaladda,.

Wajiga Labaadna waxa loo eegaa:- Isbedelka, aragtida, riyooyinka, walaaca, caafimaadka,

midho-dhalka, dhameystirka, hooyonimada, haweenka, qoyska, dhalmada, dareenka, hibada-

dareenka, lacagta, ilmada, fahamka deg-dega ah ee dareenka bulshada, fikradaha guud ee

dadweynaha, baaxa-dega, Bad-maaxyadda, farsamo-yaqaanada qasabadaha, dadka caadiga

ah, darajooyinka uu maro liska caanaha, taranka, koritaanka, wax-soosaarka, Khamiirinta,

dareerayaasha, kal-kaalinta, dadka-guracan, go’aan qaadasho la’aan dhanka rayiga iyo fulinta,

cabsida, tayadda maskaxda, dadnimada, caadaysiga dareenada dadka ku abuura khayaalka,

dareenada khaldama ee keena kama’a humaag maskaxeedka.

Wajiga saddexaadna:- ciidammada, budhcad badeeda, dagaalka, dilka, dhiigga, halyeeyada,

muranka, tamarta, gaadiidka, farsamo-yaqaanka dhismayaasha, hiliblayaasha, maamulka sare,

maldahaada, hamadda, taranka, madadale, cayaaraha, qalliinka.

Wajiga Afaraadna:- Furriinka, carqalada, dhul-gariirka, xagjirnimada, qaniimada, soo

jiidashada, xiisaha-badan, xorriyadda, isbedelka, cadhada, fusuqa, kacdoonka, isbedel-

kacdoon, hadal-heynta fowdada , waxyaabaha naxdinta leh ee sida lama filaanka ah u dhaca,

dhacdo uguba oo aan hore loo arag, wax-aan la saadaalin karin oo aan caadi ahayn, baadhid

qotoda-dheer iyo aaladaha cusub.

Wuxuu si gaara u khuseeyaa dhinaca Awoodaha-: In la Joogteeyo dulqaadka iyo la

xisaabtanka.

Arrimaha gaarka ahna :- wuxuu inagula talinayaa in ahmiyad-weyn la saaro dhinaca

arrimaha dibada oo aanay noqonin mid madax-adayg, ka hor inta aanay sii kordhin caqabadah

inagga horiman doona.

Wuxuu jecel yahay: barwaaqada, Lacagta, Cuntada wanaagsan, iyo cabitaanka, raaxada,

daryeelaka xoriyada nolosha, dareemidaasi waxay haysataan jaar badan, xarrago, alaabta

guriga u qurux badan, katiifadaha, jawi habboonaanta.

Waxaanu necebyaha:- Is-bedelka deg-dega ah, kuwa laxaadka la’a iyo Heehaabka.

Noolahana dadka (Insaanka) wuxuu ku sugan yahay waxa loo nisbeeyaa:- Xasillooni, kana

maarmi Karin dareenkoodu xiisaha nolosha, waxay leeyihiin dabeecado deg-dega uu ku jiro oo

fudud, haddana waa kuwo si fudud u hela farxad, sababtoo ah maaha qaar tartama,

dabeecadooda dabacsan iyo dareenkooda guud ayaa u horseeda inuu ku hoggaamiyo dhinaca

fulinta, waa kuwo leh samir-joogteyn ah, dadaalkana xooga saara, lehna adkeysi dhinacyo

badan ah, waa kuwo degan oo leh habka fikir gaabis ah, laakiin waa kuwo markay hadlayaan

bedela maskaxa-aadamaha, waxay nacaan isbedelka guud ahaaneed iyo go’aanada waaweyn

ee dhinaca wadada-nolosha.

Jidhka Oogaddiisana wuxuu ka khuseeyaa qoorta, guddaha jidhkana waxa loo eegaa

hunguriga iyo wixii la xidhiidha.

Cuduradana wixii la xidhiidha dhego-xanuun, fiixaha ka soo baxa cunaha ee la yidhaahdo

(Goutres), barar ku yimaada qanjidhada qoorta, qanjo- xanuunka, macaanka, qalalka, cayilka

“Buurnida” calool- istaaga.

Midabadana, wuxuu ku leeyahay midabka cagaarka, basaliga, huruuda iyo midabka buluuga

ah, Macdantana, Dhaymanta “ diamond” Emarolka “ Emerald” Luulka iyo dhagaxaanta
dahabiga ah ee la yidhaahdo “topaz iyo coral” , Dhagaxa, birta iyo cusbadana wuxuu ku

leeyahay, Jaandiga, kaalshimka iyo sulphate potassium.

Dhanka shaqada waxa loo nisbeeyaa:– isbedelka nolol dhameystiran, khabiirka barwaaqada,

Sidii loo ilaalin lahaa khayraadka dabiiciga ah. Si loo gaadho hiigsiga iyo in dadka kale la siiyo

awood si ay u helaan nolol, Xirfadahana:- waxay noqdaan cunto-kariyaha,

farshaxnaka,wakaaladaha qaranka, wakiilada guryaha, shaqaalaha kaydka lacagaha,

saxeexayaasha, fanaaniinta.

Mandaqadana dalalaka : Switzerland, jasiiradaha Giriigga, Ireland, Cyprus, Iran. Russue,

Caasimadahana: Dublin, Palermo, Parma, Luzern, Mantua, Leipzig, Saint Louis, Ischia, Capri.

Xayawaanka: Geeslayda Loda, Geedaha Cuntada: tufaaxa, canabka, baaradhada, midhaha

la miiro, Digita, baderka, hadhuudhka, canbe-caadka, geedaha cuntada lagu iidaamo, caleenta

shaaha, Geedahana kuwa uduga ee beenyada, ubaxa, Dhirtana kuwa laga sameeyo

daawada, cuntadana waxa u wanaagsan in la isticmaalo cuntooyinka faa’iidada leh, sida ,

digirta iyo celery , aad ugu socon kara. Runtana Allaa Og.

Sannadkan cusub ee 2015, wuxuu Dayuxu ku curtay burjiga 9-aad ee liifato oo ah naari,

waxaana la odhan jiray wuxuu lee yahay, Adkeysi jidheed iyo mid maskaxeed, waxaana loo

baahdaa heshiis wanaagsan iyo waxqabad firfircoon, had iyo jeer jidhka iyo maskaxduba

waxay u baahdaan inay si xoriyad ah u dhex-mushaaxaan rabitaankooda.

Inkastoo bulshadu aanay kala garanin dareenada xamaasada leh ee rajadeedu aadka u

sareyso kala duwanaanshahooda dhabta ah ee ay leeyihiin xafiiltanka iyo xiqdiga aadamuhu,

wada-xidhiidhka dadkuna waxay la kulmaan erayo la buubuuniyey, hab-dhaqanka wanaagsani

iyo fur-furnaanshaha waxay horseedaan in kasbado saaxiibo badan oo ku xiiseeyaa, laakiinse

saaxiibadaada dhabta ahi, waxay noqdaan wax yar oo kooban.

Mararka qaarkood waxa la dareemi doonaa in baahi loo qabo dhaqdhaqaaqa ama ururo

kooxeed ka sameysma dareen shaqsiyadeed, waxaana haboon in la ogaado shaqsiyaadkaasi

meesha ay ka socdaan iyo halka ay u socdaan, inkastoo haddana lagu tilmaamo in waxoogaa

isbedelo ah oo illaa xad aan wanaagsanaynin uu ku yimaado maskaxaha aadamaha, gaar

ahaan, madaxda iyo rajooyinka, sidoo kalena, waxay soo jeedin doonaan inay wax fiican ay

wadaan, isla-markaana la aamino, wixii ay wadeena daruur kastana gudaheehada waxaad ka

dhex-arkaysaa dahaadhka lacagta.

Wax kastoo dib u dhac innagu keena, kasoo kabashadiisu maaha mid sahlan oo isla-markiiba

aad si fudud dib ugu soo bilawdo, nasiib-darro’se, waxa inta badan ku guul-dareysta, waa kuwa

aan waxbaba ka baran khaladaadkii hore, dareenkaagu inuu wax fahmaa waa sax, laakiin waxa

haboon ka hor inta aanay waxaasi dhicin wixii malahaaga ah inaad ka hadasho,

Waxa intaas sii dheer oo loo eegi jiray godka habeenkaa dayaxu fadhiyey, waxaana la odhan

jiray;- haddii habeenkaas dayaxu joogo Burji Arliya ah, qabow iyo kulayl abaar iyo barwaaqo

midna lagama sheegi jirin. Runtana Allaa Og.

Habeenka curashada Sannadka cusub ee 2016, Dayaxu wuxuu fadhiyey burjiga dabooje ee

arliyo ah:- wuxuu leeyahay wajiyo badan oo ah dhinaca dhex-dhexaadinta, Qowlka saxda ah,
iyo in la qabto waxyaabaha lagama maarmaanka ah ee taariikhiga ah, inkastoo lagu tilmaamo

inuu leeyahay waxoogaa khatar ah.

Dayax labaatanaad waxa la filan jiray dayax madoobaad, waxa kale oo la filan jiray in

maalmahani ay leeyihiin in dib u eegis lagu sameeyo wixii khaldamay, lana xaliyo muranadii

jiray ka dibna la hagaajiyo camalka, xilligan qayb bay ka tahay billowga, la qabsiga caadeysiga,

furniinka, walaaca, dhaleeceynta iyo caadooyinka xun ee aan loo baahnayn, waxa kale oo ay

leedahay dareenka kicinta, go’aan qaadashada, ka hortagida, sameynta waxyaabaha aan la

rabin, Xaaladaha aan loo baahnayn, daaweynta, ka fikirka dariiqooyinkii gaboobay oo la qabto.

Yoolkeedu waa: In billowga shaqaa oo laga saaro caqabaaha hortagagan, loona mahad-naqo

wixii aad aad ku gaadhay hadafkaas, ee la xidhiidha koritaanka dhirta ka baxday beerta.

Dadka habeenkaa dhasha waxa la odhan jiray, waa kuwo digtoon, shaqo adag, xishoo badan,

wax-tar leh, daacad ah, qabow, Aamin, nadiif ah, oo leh himilo mustaqbal, maskax-furanaan,

wax fahmi kara, oo leh karti, dareen feejigan oo xad dhaaf ah, isla markaana si halis ah wax u

lafa gura, macquul ah oo ku wanaagsan abaabulka, nidaamka, laakiin sidoo kale dareema

cidhiidhi maskaxeed, xisaabtan, xajiimeyn, wer-wer, cabsi, la cadaadiyo, qabow ama kullul.

Dhanka wanaaga:- Waa kuwo had iyo jeer jecel in aan lala wadaagin sheekada, oo hamuun u

qaba illaalinya iyo dhawritaanka deegaanka, isla-markaana leh falanqayn fiican iyo caqli

wanaagsan.

dhanka mugdiga ah:- Waxay noqdaan kuwo leh qab, isla-weyn, gorfeeye, takoore, dawlad,

suuban, saxane, oo gaadha guul la taaban karro, inta badan isticmaalida fikiradaha takoorista

ah, isla-markaana horumaiye xirfadda naftooda.

Waxaanay noqdaan : Xisaabiye, xoghayaha, qorayaasha, saynisyahanada qalabka casriga ee

lagu shaqeeyo, kalkaalisooyinka, dhakhaatiirta.

Burjigan waxa kale oo uu leeyahay wajiyo badan oo ah dhinaca dhex-dhexaadinta, Qowlka

saxda ah, iyo in la qabto waxyaabaha lagama maarmaanka ah ee taariikhiga ah, inkastoo lagu

tilmaamo inuu leeyahay waxoogaa khatar ah. Runtana Allaa Og.

Nayruuska Sannadkani wuxuu ku curtay maalin Jimcaad oo Arliyo ah, waana maalinta Lixaad,

waxaana la odhan jiray maalin Jimcaad waxay leedahay, waa maalin u fiican in lagaga

faa’iideysto wixii ku lug leh jacaylka, saaxiibtinimada, kalgacal, wada noolaansho, dib u

heshiisiinta, , quruxda, is-dhexgalka bulshada, waana maalin u fiican lacagta, farshaxanka,

quruxinta shaqada

Sannadkan Cusub waxa kale loo eegi jiray dhinaca hawlaha, awoodaha waxa soo gaadha

waxyeelooyin, waxaana haboon in la iswaafajiyo inta u dhaxeysa dib u cusboonaysiinta uu ku

noqonayo meeraha raage burjiga fushade iyo meeraha illi ma’qabatiga ee u socdaali doona

burjiga habar-adhi, wuxuu si dhaqsaha u sii wadi doona, isla-markaana la dareemi doonaa

inay sii xoogeystaan muranada shaqsiyeed ee dhinaca hiigsiga himilada dhabta ee shaqsi

kastaaba uu doonayo inuu gaadho, dhamaana dadka ku xeerani waxa ay ku hawlan yihiin

sidaas oo kale, waxaana laga yaabaa in midkoodba midka kale uu u yahay wax-qarxaya,